Як я ствараў беларускамоўную суполку

Мяне заўсёды хвалявала пытанне, чаму ў Беларусі так мала чалавек размаўляюць на роднай мове. І чаму яе распаўсюджванню нададзена няшмат ўвагі. Вырашыўшы выправіць гэта ўпушчэнне, а таксама праверыць як сучасная моладзь ставіцца да роднай мовы, я стварыў беларускамоўную суполку Ўкантакце.

Назва павінна быць простай і зразумелай, і я выбраў яе такой “Я ♥ беларускую мову”. Вызначыўся і з напаўненнем: для пачатку гэта будуць цікавыя і яскравыя здымкі пэўных прадметаў, казачных персанажаў, жывёл і раслінаў падпісаных па-беларуску. Гэта, мусіла спрыяць запамінанню новых беларускіх словаў у тых, хто ня карыстаецца мовай штодзенна, алё хацеў бы яе вывучыць.

Адразу я папрасіў ўступіць у суполку некаторых сяброў. Каля 10 зацікаўленых чалавек далучыліся ўжо за адзін вечар. Што ж, нядрэнна для пачатку. Наступны этап, складаўся ў актыўнай рэкламе суполкі ў іншых беларускіх пабліках з вялікай колькасцю людзей. У паведамленні я прасіў ўступаць да яе тых людзей, якія любяць беларускую мову, і прыкладаў да яго адну з фота сваёй суполкі.

На наступны дзень я быў нямала здзіўлены тым, што колькасць удзельнікаў павялічылася да сотні. Але самае галоўнае, людзі сталі ставіць шмат лайкаў і распавядаць пра запісы суполкі на сваіх старонках! Натхніўшыся такім пачаткам, я з падвоенай энергіяй пачаў раскручваць групу, за тыдзень яна налічвала ўжо 300 чалавек.

Наведвальнасць расла, лайкаў і каментароў з'яўлялася ўсё больш і больш. Праз 10 дзён, да свайго здзіўлення, я заўважыў што пра маю групу з'явіўся артыкул на сайце тэлеканала “БелСат”, які тут жа размясціла і газета “Наша Ніва”. Аб такой папулярнасці я мог толькі марыць!

Дзякуючы гэтаму, аб суполцы даведалася яшчэ больш людзей і за суткі далучылася больш за 200 чалавек! На дадзены момант за месяц існавання у групе складаецца каля паўтары тысячы ўдзельнікаў, але самае цікавае, гэта іх адваротная сувязь. Яны вельмі актыўна абмяркоўваюць многія запісы, спрачаюцца аб пераводзе некаторых слоў, захапляюцца беларускім варыянтам перакладу і пачалі самі прапаноўваць свае фатаграфіі з беларускімі цікавымі словамі.

Трэба дадаць, што падобных суполак аб беларускай мове з’яўляецца ўсё больш. Некаторыя, напрыклад, настолькі буйныя, што маюць больш за сотню тысяч удзельнікаў. Вось найбольш вялікія з іх:

1. Lit.bel. (101 000 удзельнікаў)
2. Беларускія рагатулькі | Коміксы (15 600 удзельнікаў)
3. Жарты па-беларуску (8 800 удзельнікаў)
4. Па-беларуску (5200 удзельнікаў)
5. Я мару ... (2 000 удзельнікаў)
6. Беларуская мова (3200 удзельнікаў)
7. Белорусский язык | Беларуская мова (3800 удзельнікаў)
8. Беларускі дэматыватар (3250 удзельнікаў)
9. Сапраўдная беларуская лаянка, ХРЭН ТАБЕ Ў ВОЧЫ! (2400 удзельнікаў)
10. Я ♥ беларускую мову (1 500 удзельнікаў)
    
    

Як аказалася моладзь не адвярнулася ад беларускай гаворкі, варта толькі падаць родную мову як-небудзь нестандартна, ярка (хоць бы ў форме прыгожых малюнкаў падпісаных па-беларуску) і яна будзе імкліва набіраць папулярнасць. І дапамагчы гэтаму можа любы чалавек нават праз сваю старонку ў сацыяльнай сетцы.

Што наконт мяне, то стварэннем суполкі я не абмежаваўся і зрабіў адзіны ў Беларусі сайт аб англійскім футболе на беларускай мове, які толькі-толькі пачаў набіраць папулярнасць і аб якім ужо паспела напісаць Наша Ніва.

                                                                                                                                         Игорь Лосик